Posts Tagged ‘Father’

ದೊರೆ

May 20, 2020

ದೊರೆ
ರಚನೆ: ರಾಮಕೃಷ್ಣ ಬೆಳ್ಳೂರು

ದೊರೆಯಿಂದ
ದೊರೆಯ
ದೊರೆತನ
ದೊರೆಯಿತು ಎಮಗೆ

ದೊರೆಗೆ
ದೊರೆಸಾನಿಯಾಗಿ
ದೊರೆತ
ಮಹಾಶಕುತಿಯೇ
ಮಹಾಲಕುಮಿ

ದೊರೆಗೆ
ದೊರೆತ
ದೊರೆತನವ
ನಿಭಾಯಿಸಿ
ಆಳಾಗಬಲ್ಲವನೆ
ದೊರೆಯಾಗುವನೆಂದು
ತೋರಿಸಿದ
ದೊರೆಯು ಇಂದು
ದೊರೆತರೆ ಕೇಳುವೆ…

…ದೊರೆಯುವುದೇ
ದೊರೆಯ
ದೊರೆತನ
ಮತ್ತೊಮ್ಮೆ ಎಮಗೆ

ದೊರೆ
ನಮಗಿತ್ತ
ದೊರೆತನವಷ್ಟೇ
ದೊರೆಯಿತಂದಿನವರೆಗೂ
ಮೂವತ್ತೊಂದು ಸಂವತ್ಸರಗಳ
ಹಿಂದಿನವರೆಗೂ

ದೊರೆಗೆ
ದೊರೆತನಕ್ಕೆ
ನಮ್ಮ ನಮನ

ದೊರೆ: ಏಪ್ರಿಲ್ ೯, ೧೯೩೨ – ಮೇ ೨೧, ೧೯೮೯

ತಂದೆ

May 21, 2019

ಸಂತೋಷವ ನೀ ತಂದೆ

May 21, 2017

ತಂದೆಯ ನೆನಪಿಗೆ ಈ ಸಾಲುಗಳು ಅರ್ಪಿತ
ಸಂತೋಷವ ನೀ ತಂದೆ
ರಚನೆ: ರಾಮಕೃಷ್ಣ ಬೆಳ್ಳೂರು

ನಿನ್ನ ವಿಶಿಷ್ಠ ನಡೆ ನುಡಿಯಿಂದ
ಸಂತೋಷವ ನೀ ತಂದೆ

ಎಲ್ಲರೊಡನೆ ಒಂದಾಗಿ
ಸಂತೋಷವ ನೀ ತಂದೆ

ನಿನ್ನ ಜೀವನ ಶೈಲಿಯ ವೈಖರಿಯಿಂದ
ಸಂತೋಷವ ನೀ ತಂದೆ

ನಿನ್ನ ತದೇಕಚಿತ್ತದಿಂದ
ಸಂತೋಷವ ನೀ ತಂದೆ

ಆಡಿ ಪಾಡಿ ನಲಿದಾಡಿ
ಸಂತೋಷವ ನೀ ತಂದೆ

ಲ್ಯಾಂಬ್ರೆಟಾದಲ್ಲಿ ನನ್ನ ಸುತ್ತಾಡಿಸಿ
ಸಂತೋಷವ ನೀ ತಂದೆ

ನೀನು ಕೊಡುವ ಉತ್ತೇಜನದಿಂದ
ಸಂತೋಷವ ನೀ ತಂದೆ

ಎನಗೆ ನೀನು ದೊರೆತಷ್ಟು ಸಮಯದಲ್ಲೇ
ಸಂತೋಷವ ನೀ ತಂದೆ

ಸೋತಾಗ ಗಾಯಗೊಂಡಾಗ ಪ್ರೀತಿಯ ಮಾತಿನಿಂದ
ಸಂತೋಷವ ನೀ ತಂದೆ

ಆ ಶನಿವರ ಕ್ಯಾರಮ್ ಆಡಿ
ಸಂತೋಷವ ನೀ ತಂದೆ

ಆದರೆ ಮರುದಿನ ಬೆಳಿಗ್ಗೆ
ನಾನೇಳಲು ಮುನ್ನ ಎನ್ನ ಏಕೆ ಮರೆತಂದೆ

ಇಂದು ಮತ್ತದೇ ಭಾನುವಾರ ಮೇ ೨೧ರ
ಮರೆಯಲಾಗದ ನೆನಪುಗಳ ನೀ ಕರೆತಂದೆ

ನಿನ್ನ ಕಳೆದುಕೊಂಡು ಬಾಳಲು ಕಲೆತೆ
ನನ್ನಲ್ಲಿ ಅಡಗಿದ್ದ ಶಕ್ತಿಯನ್ನು ನೀ ಹೊರತಂದೆ

ಇಂದು ನಿನ್ನ ನೆನಪುಗಳಲ್ಲೇ ಮುಳುಗಿರುವ ನನಗೆ
ತಂದೆ, ಮತ್ತೆ ಸಂತೋಷವ ನೀ ತಂದೆ

Blog Cartoon – 49

September 25, 2008


Cartoon: RK

Also visit the Cartoon page on RwB.