Posts Tagged ‘kannada ratha’

ಕನ್ನಡದ ರಥ

October 30, 2019

Click to enlarge

ಕನ್ನಡದ ರಥ
ರಚನೆ: ರಾಮಕೃಷ್ಣ ಬೆಳ್ಳೂರು

ಕನ್ನಡ ಎಂಬುದು ನಮ್ಮ ಜೀವನ ಪಥ
ಎಳೆಯುತ್ತಿದ್ದೇವೆ ನಾವು ಕನ್ನಡ ತಾಯಿಯ ರಥ
ನೀಡಿದ್ದಾಳೆ ವಿದ್ಯೆ ಕಳಿಸಿದ್ದಾಳೆ ಸಹನಶೀಲತೆ ಎಂಬ ಮತ
ಆ ರಥದ ಚಕ್ರಗಳು ಸಹಿಷ್ಣುತೆ, ಔದಾರ್ಯತೆ,
ಕ್ರಿಯಾಶೀಲತೆ ಮತ್ತು ಮಾನವೀಯತೆ

ರಥದ ಮೇಲೆ ಹಾರುತ್ತಿರುವ ಕನ್ನಡದ ಬಾವುಟ ಹೇಳುತಿದೆ
ಕರುಣಾಳುಗಳು ನಾವು, ಕಲೋಪಾಸಕರು ನಾವು,
ಗೌರವ ಕೊಡುವವರು ನಾವು, ಉಪಕಾರ ಮಾಡುವವರು ನಾವು
ಸೇರಿ ಎಳೆಯೋಣ ಬನ್ನಿ ನಮ್ಮ ಪ್ರೀತಿಯ ಈ ರಥವನ್ನು
ಪಸರಿಸಲಿ ಕನ್ನಡದ ಕಂಪು ನೀಡುತ್ತಾ ಎಲ್ಲರಿಗೂ ಹಿತವನ್ನು

ಹಸಿರಿನ ವನಸಿರಿಯ ಬೀಡು ನಮ್ಮ ತಾಯ್ನಾಡು
ಜನಾನುರಾಗಿಗಳನ್ನು ಹೊಂದಿದೆ ನಮ್ಮ ಕರುನಾಡು
ಕಾಯಕ ಮಾಡೋಣ ಕರ್ನಾಟಕದಲ್ಲಿ
ಪ್ರಗತಿ ಪಡೆಯೋಣ ಕರ್ನಾಟಕದಲ್ಲಿ
ನಡೆಸೋಣ ಜೀವನದುದ್ದಕ್ಕೂ ಕನ್ನಡದ ಉತ್ಸವ

ಕನ್ನಡ ರಾಜ್ಯೋತ್ಸವದ ಶುಭಕಾಮನೆಗಳು