Archive for the 'Personal' Category

June 22, 2020

ಮಹಾಮಾತೆಗೆ ನಮನ
ರಚನೆ: ರಾಮಕೃಷ್ಣ ಬೆಳ್ಳೂರು

ಮಹಾಜನರ ಸಹವಾಸದಿಂದ
ಮಹಾಕಾರ್ಯಗಳನ್ನು ಮಾಡಿ
ಮಹಾಕಾವ್ಯವಾಯಿತು ನಿನ್ನ ಜೀವನ

ಮಹಾತ್ಮರಾದ ಗುರುರಾಯರ ದರ್ಶನ ಪಡೆದು
ಮಹಾನುಭಾವರ ಸತ್ಸಂಗದಿ ಇದ್ದು
ಮಹಾಪೂರವೆಂಬ ಜನರ ನಡುವೆ ಗೆದ್ದು
ಮಹಾಪ್ರಳಯ ದೇಹಸ್ಥಿಥಿಗೆ ಬಂದರೂ ಮಹಾಪ್ರಾಣಗಳನ್ನು ಕಾಪಾಡಿದೆ ನೀನು

ಮಹಾಕಂಟಕಗಳನ್ನು ಬದುಕು ಒಡ್ಡಿದರೂ
ಮಹಾಪಥದಲ್ಲಿ ನಡೆದು
ಮಹಾದೇವ ಕರುಣಿಸಿದ
ಮಹಾಪ್ರಸಾದವನ್ನು
ಮಹಾಕುಂಭದಲ್ಲಿರಿಸಿ
ಮಹಾಜ್ಞಾನ ಪಡೆದೆ ನೀನು

ಮಹಾಮೇಧಾವಿಗಳಲ್ಲಿ
ಮಹಾಭಾಷ್ಯಗಳನ್ನು ಕಲಿತು
ಮಹಾತತ್ವವನ್ನರಿತು
ಮಹಾದಾನಗಳನ್ನು ಮಾಡಿ
ಮಹಾತೇಜಸ್ಸಿನ ವರ ಹೊಂದಿದೆ ನೀನು

ಮಹಾರಾಜನಾದ ದೊರೆಯ ಕೈ ಹಿಡಿದು
ಮಹಾರಾಣಿಯಾಗಿ ದೊರೆಸಾನಿಯಾಗಿ
ಮಹಾಭಾರತದ ಪ್ರಜೆಯಾಗಿ
ಮಹಾಮತಿಯಿಂದ
ಮಹಾಶಯರಿಂದ ಕಲಿತ
ಮಹಾಮಂತ್ರಗಳ ಬಲದಿಂದ
ಮಹಾಕುಟುಂಬದಂತಹ
ಮಹಾಸಾಗರವಾದ ಸಂಸಾರಸಾಗರದಿ
ಮಹಾ ಉತ್ಸವಗಳನ್ನಾಚರಿಸಿ
ಮಹಾಮಾರಿ ದೇಹಕ್ಕೆ ಬಂದರೂ
ಮಹಾಯುದ್ಧ ನಡೆಸಿ ಜಯಿಸಿ
ಮಹಾಪಾಶವಾದ ಮೋಹಪಾಶಕ್ಕೆ ಸಿಲುಕದೆ
ಮಹಾಲಯದ ಮಹಾನವಮಿಯವರೆಗೂ ಕಾಯದೆ
ಮಹಾಪ್ರಸ್ತಾನಕ್ಕೆ ಜ್ಯೇಷ್ಠ ಶುದ್ದ ನವಮಿಯಂದು ಹೊರೆಟ
ಮಹಾಮಾತೆ ಮಹಾಲಕ್ಷ್ಮೀ!
ಇಗೋ ನಿನಗೆ ಅಕ್ಷರ ನಮನ!

ದೊರೆ

May 20, 2020

ದೊರೆ
ರಚನೆ: ರಾಮಕೃಷ್ಣ ಬೆಳ್ಳೂರು

ದೊರೆಯಿಂದ
ದೊರೆಯ
ದೊರೆತನ
ದೊರೆಯಿತು ಎಮಗೆ

ದೊರೆಗೆ
ದೊರೆಸಾನಿಯಾಗಿ
ದೊರೆತ
ಮಹಾಶಕುತಿಯೇ
ಮಹಾಲಕುಮಿ

ದೊರೆಗೆ
ದೊರೆತ
ದೊರೆತನವ
ನಿಭಾಯಿಸಿ
ಆಳಾಗಬಲ್ಲವನೆ
ದೊರೆಯಾಗುವನೆಂದು
ತೋರಿಸಿದ
ದೊರೆಯು ಇಂದು
ದೊರೆತರೆ ಕೇಳುವೆ…

…ದೊರೆಯುವುದೇ
ದೊರೆಯ
ದೊರೆತನ
ಮತ್ತೊಮ್ಮೆ ಎಮಗೆ

ದೊರೆ
ನಮಗಿತ್ತ
ದೊರೆತನವಷ್ಟೇ
ದೊರೆಯಿತಂದಿನವರೆಗೂ
ಮೂವತ್ತೊಂದು ಸಂವತ್ಸರಗಳ
ಹಿಂದಿನವರೆಗೂ

ದೊರೆಗೆ
ದೊರೆತನಕ್ಕೆ
ನಮ್ಮ ನಮನ

ದೊರೆ: ಏಪ್ರಿಲ್ ೯, ೧೯೩೨ – ಮೇ ೨೧, ೧೯೮೯

In and out of FB!

February 24, 2020

ವೈದಿಕ ಸಭೆಯಲ್ಲಿ ಹಾಸ್ಯ!

January 9, 2020

(Click on the image to enlarge)

ವೈದಿಕ ಸಭೆಯಲ್ಲಿ ಹಾಸ್ಯ!
ಕರ್ತೃ: ರಾಮಕೃಷ್ಣ ಬೆಳ್ಳೂರು

ವೈದಿಕ ಕ್ರಿಯೆ ಮಾಡಿಸುವ ಶಾಸ್ತ್ರಿಗಳ ಜೊತೆ ಜಗಳ ಆಡಬೇಡಿ. ತಿಥಿ ಮಾಡ್ಬಿಡ್ತಾರೆ!

ಸಾಮಾನ್ಯವಾಗಿ ಯಾರನ್ನಾದ್ರು ಎಷ್ಟು ಪಕ್ಷಗಳಿವೆ ಅಂತ ಕೇಳಿದ್ರೆ “ಎರಡು” ಅಂತೀವಿ: ಶುಕ್ಲ ಪಕ್ಷ, ಕೃಷ್ಣ ಪಕ್ಷ. ಅದೇ ವೈದಿಕ ಮಾಡಿಸುವವರಿಗೆ ಕೇಳಿದ್ರೆ “ಒಂದೇ” ಅಂತಾರೆ – ಪಿತೃ ಪಕ್ಷ!

ವೈದಿಕ ಮಾಡಿಸುವವರಿಗೆ ಯಾವ ಕಂತೆ ಪುರಾಣವೂ ಬೇಡ. ಗರುಡ ಪುರಾಣ ಒಂದೇ ಸಾಕು.

ಹನಿ ಹನಿ ಗೂಡಿದರೆ ಹಳ್ಳ.
ಅಗಳು ಅಗಳು ಸೇರಿದರೆ ಪಿಂಡ.

Generally, ಮನೆ ಮೇಲೆ ಅನ್ನ ಇಡೋರು ಕಾಗೆ ಹಾರ್ಸಲ್ಲ.

ಮನರಂಜನೆಗೆ ಮೊದ್ಲೆಲ್ಲ ಇದ್ದದ್ದೇ ಆಕಾಶವಾಣಿ, ದೂರದರ್ಶನ – ಎರಡೇ ವಾಹಿನಿ. ಈಗ ಸಾವಿರಾರು ವಾಹಿನಿ! ಆದರೆ ವೈದಿಕ ಮಾಡಿಸೋರಿಗೆ ಬೇಕಾಗಿರೋದು ಒಂದೇ : ಪಶ್ಚಿಮ ವಾಹಿನಿ.

ವೈದಿಕ ಸಭೆಯಲ್ಲಿರುವವರಿಗೆ ಅಚ್ಚುಮೆಚ್ಚಾದ ಕ್ರಿಕೆಟ್ ಸೀರೀಸ್? Ashes!

ನಾವು ಬರೀ ಹಾಡು ಕೇಳ್ತೀವಿ: ಇಲ್ಲೇ ವೈಕುಂಠ ಕಾಣಿರೋ! ಎಂದು.
ಆದ್ರೆ ವೈದಿಕ ಸಭೆಯಲ್ಲಿರುವವರು ದಿನವೂ ಅಲ್ಲಿಯೇ ವೈಕುಂಠ ಕಾಣ್ತಾರೆ!

ಟಿ.ಟಿ.ಡಿ. ಕಡೆ ತಿರ್ಗಿದ್ರೆ: ವೈಕುಂಠ ಏಕಾದಶಿ
ವೈದಿಕ ಸಭೆಗೆ ಹೋದ್ರೆ: ವೈಕುಂಠ ಸಮಾರಾಧನೆ

ನಮಗೂ ಪಿತೃಗಳಿಗೂ ಏನು ವ್ಯತ್ಯಾಸ?
ನಮಗೆ ಎಳ್ನೀರು. ಪಿತೃಗಳಿಗೆ ಎಳ್ಳು ನೀರು.

ರೈಲಲ್ಲಿ ಹೋಗ್ಬೇಕಾದ್ರೆ ವೈದಿಕದವರು prefer ಮಾಡೋದು ಅಪರ್ berth.

ನಮ್ ನಮ್ ಮನೆಯಲ್ಲಿ ವೈದಿಕ ಮಾಡೋದೇ ರಾಮಾಯಣ ಆಗಿಬಿಟ್ಟಿದೆ.
ಏಕೆಂದರೆ ನಮಗೆ ಅದು ಕರ್ಮ ಕಾಂಡ!

ವೈದಿಕದವರು ಆ ಹೀರೋಯಿನ್ ಹೆಸರನ್ನು ಓದೋದೇ ಶ್ರಾದ್ಧಾ ಕಪೂರ್ ಎಂದು!

ಹಿಂದೀಯಲ್ಲಿ ಗಯಾ ಅಂದರೆ ಹೋದ ಅಂತ.
ಹೋದೋರಿಗೆ ತಾನೆ ’ಗಯಾ’ಶ್ರಾದ್ಧಾ!

ಬಾಲ್ಯದಲ್ಲಿ ವಿದ್ಯಾಪೀಠ. ವೃದ್ಧಾಪ್ಯದಲ್ಲಿ ವ್ಯಾಸಪೀಠ.
ಸತ್ತಮೇಲೆ ಶಕ್ತಿಪೀಠ.

ವೈದಿಕಸಭೆಯವರು ಒಂದಷ್ಟು ಜನ ಇತ್ತೀಚೆಗೆ ಮಣಿಕರ್ಣಿಕಾ ಫಿಲ್ಂ ನೋಡಕ್ಕೆ ಹೋದ್ರು. ಇಂಟರ್ವಲ್ ಹೊತ್ತಿಗೆ ಈಚೆಗೆ ಬಂದ್ರು. ಮಣಿಕರ್ಣಿಕಾ ಘಾಟ್ ಬಗ್ಗೆ ಫಿಲ್ಂ ಅಲ್ಲ ಅಂತ ಗೊತ್ತಾಯ್ತು.

ವೈದಿಕ ಸಭೆಲಿರೋ ಒಬ್ಬ್ರು ಮೊದ್ಲು ಇದ್ದದ್ದು ವಿಲ್ಸನ್ ಗಾರ್ಡನ್ ಹತ್ರ. ಈಗ ಹರಿಶ್ಚಂದ್ರ ಘಾಟ್ ಪಕ್ಕಕ್ಕೆ ಶಿಫ್ಟ್ ಆದ್ರು.

ವೈದಿಕ ಸಭೆಲಿರೋ ಒಬ್ರ ಮಗ ಹುಡ್ಗೀಗೆ ಕಾಳು ಹಾಕ್ತಾ ಇದ್ದ. ಆಗ ಅವರು ಎಚ್ಛರ ಕೊಟ್ರು: ಅವಳು ನಿನ್ನ ಒಪ್ದಿದ್ರೆ, ನಿನಗೆ ಅವಳು ಅಕ್ಕಿ ಕಾಳು ಹಾಕ್ದಂಗಾಗತ್ತೋ! ಅಂತ.

ನಾವು ಆಗ ಈಗ ಹೇಳೊ ಮಾತು: ದಾನಗಳಲ್ಲಿ ಶ್ರೇಷ್ಠವಾದ ದಾನ – ಸಮಾದಾನ!
ವೈದಿಕ ಸಭೆಲಿರೋರು ಹೇಳೊ ಮಾತು: ದಾನಗಳಲ್ಲಿ ಶ್ರೇಷ್ಠವಾದ ದಾನ – ಪಿಂಡದಾನ!

ಸತ್ತಾಗ ಅಶ್ರು ತರ್ಪಣ. ವೈದಿಕ ಸಬೆಯಲ್ಲಿ? ಪಿತೃ ತರ್ಪಣ!

ಮೊದಲಿಂದಲೂ ಸಂಸ್ಕಾರ ಇರ್ಬೇಕು. ಕೊನೇಗೆ ಸಿಗೋದು ಅಂತಿಮ ಸಂಸ್ಕಾರಾನೇ!

ವೈದಿಕದವರ ಮನೆಯವರಿಗೆ ಬಾಳೆಹಣ್ಣು ನೋಡ್ಕೊಂಡು ಕೊಡಿ. ಹಣ್ಣಾಗಿದ್ರೆ ಮನೆಗಾಗತ್ತೆ. ಕಾಯಿ ಆಗಿದ್ರೆ – ವೈದಿಕಕ್ಕಾಗತ್ತೆ.

ನಮಗೆ FUNERAL. ಸ್ಮಶಾನದಲ್ಲಿರೋರಿಗೆ FUN REAL.

CEREMONY nowadays has become CEREMONEY!

Everytime they utter prachinaviti, they prefer the LEFT. But they generally vote for the RIGHT!

ಅಡುಗೆಯವರು ಮಾಡಿದ್ರೆ? ನಳಪಾಕ.
ನಾವೇ ಮಾಡ್ಕೊಂಡ್ರೆ? ಸ್ವಯಂ ಪಾಕ.

ವೈದಿಕದವರು ಬೌಲಿಂಗ್ ಮಾಡಿದ್ರೆ? ಎಲ್ಲ ಪಿಂಡಾ ಬಾಲ್!

ಎಷ್ಟೇ ಆಸ್ತಿ ಮಾಡಿದ್ರೂ ಕೊನೇಗೆ ಆಗೋದು ಅಸ್ಥಿನೆ.
ಅಸ್ತಿತ್ವ ಕಳ್ಕೊಳೋದೆ ಅಸ್ಥಿ ಬಿಟ್ಟಾಗ.

ದೇವಸ್ಥಾನಕ್ಕೂ ವೈದಿಕ ಸಭೆಗು ವ್ಯತ್ಯಾಸ?
ಅಲ್ಲಿ ಪ್ರದಕ್ಷಿಣೆ. ಇಲ್ಲಿ ದಕ್ಷಿಣೆ.

ಓಣಗಿದ ಹೂ, Cremationಗೆ ಹೊರಟ ಹೆಣ – ಎರಡಕ್ಕೂ ಒಂದೇ description. Body ಹೋಯ್ತು.

ಪರೀಕ್ಷೆಲಿ ಎಲ್ಲ questionಗೂ ಚೆನ್ನಾಗಿ answer ಬರೆಯೋರು ಉತ್ತರ ಕ್ರಿಯೆ ಚೆನ್ನಾಗಿ ಮಾಡ್ತಾರೆ.

ಗಣೇಶನ ಚತುರ್ಥಿ ದಿವಸ ಹತ್ತನೇ ದಿವಸ ಬಂದ್ರೆ?
ಒಂದೆಡೆ ಮೋದಕ, ಇನ್ನೊಂದೆಡೆ ಧರ್ಮೋದಕ!

ವೈದಿಕದ ವಿಷಯ ಕುರಿತು monthly magazine ಒಂದು ಶುರು ಮಾಡೋಣಾ ಅಂತ ಇದೀನಿ…ಹೆಸರು? ಮಾಸಿಕ!
ಇದರ yearly anniversary? ವರ್ಷಾಬ್ಧಿಕ!

I have a friend named Antyesh. He makes excellent Tea. He wanted to start a Tea shop. I warned him beforehand: Don’t name it after yourself. It will become Antyesh Tea shop!

National Egg Coordination Committee tagline is Sunday ho ya Monday, roz khao ande!
Anda, Pinda, Brahmanda – See how close Vaidhika Sabhe and NECC is : Anda, Pinda…
Vaidhika Sabhe can say: Sunday ho ya Monday, roz Rave Unde!

ಸಜ್ಜಪ್ಪ : ನೋಡಿ ಹೆಸರು ಹೇಗಿದೆ! ಹೆಸರಲ್ಲೇ ಪೂರ್ವಿಕರನ್ನೊಳಗೊಂಡಿದೆ! ಸಜ್ಜನಿಕೆಯ ಅಜ್ಜ, ಅಪ್ಪ – ಸೇರಿದರೆ ಸಜ್ಜಪ್ಪ!
ಇರುವವರೆಗೂ ಜೀವನದಲ್ಲಿ ಸಜ್ಜನಿಕೆಯ ಹೂರಣ ಸತ್ವ ತುಂಬಿದ ಹಾಗಿರಿ!
ಸಜ್ಜಪ್ಪ ತಿನ್ನುವಾಗ ತಿಳಿಯಿರಿ…ಇಹ ಮುಗಿಸಿ ಪರಕ್ಕೆ ಹೊರಡಲು ಸಜ್ಜಾಗಿರಪ್ಪ!
ಅದುವೇ ಸಜ್ಜಪ್ಪ!

ಪ್ರಪಂಚದಲ್ಲಿ ಎಲ್ಲೇ ಹೋದ್ರು, ನಮ್ಮನ್ನ ಬೋಳಿಸ್ತಾರೆ.
ಆದ್ರೆ, ವೈದಿಕ ಸಭೆನವರು ಹಾಗಲ್ಲ: ನೀವೇ ಇಲ್ಲಿಗೆ ಬರೋ ಮುನ್ನ ಎಲ್ಲಾ ಬೋಳಿಸ್ಕೊಂಡು ಬನ್ನಿ ಅಂತಾರೆ!

ಶಿವನ ಇನ್ನೊಂದು ಹೆಸರು – ಅಂತ್ಯೇಶ. ಅಂತ್ಯಕ್ಕೆ ಈಶ.
ಹಾಗಂತಾ ಇದನ್ನ ಮಗನಿಗೆ ಇಟ್ರೆ, ಅವನನ್ನ ಟೀ ಗೆ ಕರೆಯೋದು ಪ್ರಾಬ್ಲಮ್ ಆಗತ್ತೆ: ಅಂತ್ಯೇಶ್ ಟೀ ಗ್ ಹೋಗೋಣ ಬಾ!

Vade is made in the name of the departed soul. See the link: The hole in the Vade has a deeper meaning indicating that you are the centre of the universe surrounding you and from your point of view, the circumference of Vade could be even or uneven but they add to the taste of the dish. The departed soul is somewhere in the universe. After offering Pinda,Thithi vade taste is Brahmanda!

There is a place called Vade Samudra in Mandya Dist. of Karnataka. There are several places named Pinda: in Bihar, Brazil, Republic of Angola and Republic of Mozambique. South Australia has Pinda Springs! There is a hotel named Hotel Intercity Pátio Pinda in Brazil!

Coming next: A to Z of Vaidikas!
A for Aryavartha
B for Brahmavartha
C for Ceremony

ಕನ್ನಡದ ರಥ

October 30, 2019

Click to enlarge

ಕನ್ನಡದ ರಥ
ರಚನೆ: ರಾಮಕೃಷ್ಣ ಬೆಳ್ಳೂರು

ಕನ್ನಡ ಎಂಬುದು ನಮ್ಮ ಜೀವನ ಪಥ
ಎಳೆಯುತ್ತಿದ್ದೇವೆ ನಾವು ಕನ್ನಡ ತಾಯಿಯ ರಥ
ನೀಡಿದ್ದಾಳೆ ವಿದ್ಯೆ ಕಳಿಸಿದ್ದಾಳೆ ಸಹನಶೀಲತೆ ಎಂಬ ಮತ
ಆ ರಥದ ಚಕ್ರಗಳು ಸಹಿಷ್ಣುತೆ, ಔದಾರ್ಯತೆ,
ಕ್ರಿಯಾಶೀಲತೆ ಮತ್ತು ಮಾನವೀಯತೆ

ರಥದ ಮೇಲೆ ಹಾರುತ್ತಿರುವ ಕನ್ನಡದ ಬಾವುಟ ಹೇಳುತಿದೆ
ಕರುಣಾಳುಗಳು ನಾವು, ಕಲೋಪಾಸಕರು ನಾವು,
ಗೌರವ ಕೊಡುವವರು ನಾವು, ಉಪಕಾರ ಮಾಡುವವರು ನಾವು
ಸೇರಿ ಎಳೆಯೋಣ ಬನ್ನಿ ನಮ್ಮ ಪ್ರೀತಿಯ ಈ ರಥವನ್ನು
ಪಸರಿಸಲಿ ಕನ್ನಡದ ಕಂಪು ನೀಡುತ್ತಾ ಎಲ್ಲರಿಗೂ ಹಿತವನ್ನು

ಹಸಿರಿನ ವನಸಿರಿಯ ಬೀಡು ನಮ್ಮ ತಾಯ್ನಾಡು
ಜನಾನುರಾಗಿಗಳನ್ನು ಹೊಂದಿದೆ ನಮ್ಮ ಕರುನಾಡು
ಕಾಯಕ ಮಾಡೋಣ ಕರ್ನಾಟಕದಲ್ಲಿ
ಪ್ರಗತಿ ಪಡೆಯೋಣ ಕರ್ನಾಟಕದಲ್ಲಿ
ನಡೆಸೋಣ ಜೀವನದುದ್ದಕ್ಕೂ ಕನ್ನಡದ ಉತ್ಸವ

ಕನ್ನಡ ರಾಜ್ಯೋತ್ಸವದ ಶುಭಕಾಮನೆಗಳು

T Prabhakar Sir, Former Principal (Kendriya Vidyalaya Malleswaram) No More

October 3, 2019

[Click on the image to enlarge]

How can I forget the attire of our Principal T Prabhakar? Never did I see him wear anything other than Suit and Boot!
During the assembly in the morning, he spoke almost everyday, with topics ranging from current affairs to good manners that a student must follow.
He had a very good sense of humour! We will miss this gentle mannered Principal.

Sadgatipraaptirastu!

Received this via email:
Sir,
I am a close relative of T. Prabhakar(my uncle). Unfortunately, he passed away yesterday (Sept.30) night after a brief illness, he was very active all his life till the end. I wanted to share this with you as I saw your blog today and shared with his family, so we all appreciate his greatness and contributions.
Regards,
Sekhar

 

***

 

Below is Sri T Prabhakar Sir’s message in the Kendriya Vidyalaya Souvenir released on the occasion of the 50th year of KV Malleswaram – The Alumni association of KV malleswaram released Swarn Mahotsav Patrika in the Golden Jubilee year.

[Click on the image to enlarge]

Times Tribute in TOI (09.10.19 Bangalore edition)

ಮಂಚಾಲಮ್ಮ-ಮಾಚಮ್ಮ

June 22, 2019

ಮಂಚಾಲಮ್ಮ-ಮಾಚಮ್ಮ
ರಚೆನೆ: ರಾಮಕೃಷ್ಣ ಬೆಳ್ಳೂರು

ರಾಯರಿಗೆ ಭೂದಾನ ಮಾಡಿದಳು ಮಂಚಾಲಮ್ಮ
ರಾಯರಿಂದ ವರದಾನ ಪಡೆದಳು ಮಾಚಮ್ಮ

ಅಲ್ಲಿ ಗ್ರಾಮದೇವತೆಯ ಶಕ್ತಿ
ಇಲ್ಲಿ ಮಾತೃದೇವತೆಯ ಭಕ್ತಿ

ಅಲ್ಲಿ ರಾಯರ ದರುಶನ ಪಡೆಯುವ ಮುನ್ನ
ಪಡೆಯಬೇಕು ಮಂಚಾಲಮ್ಮನ ದರುಶನ

ಇಲ್ಲಿ ಮಾಚಮ್ಮನ ಮನವೆಂಬ ಮಂತ್ರಾಲಯದಲ್ಲಿ
ಆಗುವುದು ನಿತ್ಯ ರಾಯರ ದರುಶನ

ಅವಳ ದೇವಾಲಯದ ಪಕ್ಕದಲ್ಲಿದೆ ಬೃಂದಾವನ
ಇವಳ ಹೃದಯಾಲಯದ ಒಳಗಿದೆ ತಪೋವನ

ಮಂಚಾಲಮ್ಮ ಮಾಚಮ್ಮ ಇಬ್ಬರಿಗೂ ಅನುಗ್ರಹಿಸದರು ರಾಯರು
ಇವರಿಬ್ಬರೊಡನೆ ಸೇರಿ ಆಶೀರ್ವದಿಸಬೇಕು ನಮ್ಮನ್ನು ಗುರುರಾಯರು

ಗುರುರಾಯರೇ ನಮಗೆ ಕಲ್ಪವೃಕ್ಷ
ಕೈ ಚಾಚಿ ನಿಂತಿರುವೆವು, ನೀಡಿ ನಮಗೆ ಜ್ಞಾನಭಿಕ್ಷ

ಕಲಿಯುಗದಲ್ಲಿ ಗುರುರಾಯರೇ ಕಾಮಧೇನು
ಎಲ್ಲ ಅವನ ಇಚ್ಛೆ, ಇಲ್ಲಿ ನಮ್ಮದೇನು?!

ಅಮ್ಮನ ನಾಮಬಲವೇ ಮನೋಬಲ

June 21, 2019

Tribute to CRAZY MOHAN

June 10, 2019

crazymohan

ತಂದೆ

May 21, 2019